Գլխավոր Լուրեր Գյումրիում 26-ամյա տղայի սպանությունը բացահայտվել է. պատճառը համացանցային նամակագրությունն է. Կասկածյալը դպրոցական...

Գյումրիում 26-ամյա տղայի սպանությունը բացահայտվել է. պատճառը համացանցային նամակագրությունն է. Կասկածյալը դպրոցական է

412

Ոստիկանության աշխատակիցներն մարտի 29-ին պարզել են մարտի 27-ին Գյումրիում, Երևանյան խճուղում, թիվ 135 Ա շենքի բնակիչ՝ 26-ամյա Գևորգ Դադրանյանի սպանությունը կատարողի ինքնությունը։

Shamshyan.com-ի  հաղորդմամբ, ոստիկանների և քննիչների կողմից կատարված բացատրական աշխատանքի արդյունքում Կումայրիի Ոստիկանության բաժին է ներկայացել Երևանի բնակիչ՝ 17-ամյա Դավիթ Վ.-ն, ով խոստովանել է, որ սպանությունը կատարել է ինքը՝ իր մոտ եղած դանակով։ Նա ներկայացրել է նաև հանցագործության գործիք դանակը։

Աղբյուրի տեղեկություններով՝ քննչական մարմինը պատրաստվում է դիմել Շիրակի մարզի ընդհանուր իրավասության դատարան, որպեսզի դատարանը՝ որպես խափանման միջոց, երկամսյա կալանքի որոշում կայացնի Դ. Վարդանյանի նկատմամբ:

Աղբյուրի տեղեկություններով Դավիթ Վ.-ն սովորում է Երևանի ավագ դպրոցներից մեկի 11-րդ դասարանում, իսկ հանցագործության պատճառը եղել է համացանցում իրար հետ նամակագրական կապ ունենալը։

Ավելի վաղ հայտնել էինք, որ մարտի 27-ին, ժամը 15։30-ի սահմաններում Գյումրիում  քաղաքացիները նկատել էին, որ Երևանյան խճուղու 135 Ա շենքի շքամուտքում երիտասարդ տղայի դի կա։ Ոստիկաններն ու քննիչները շքամուտքում՝ աստիճանների մոտ, հայտնաբերել էին սուր կտրող-ծակող առարկայի հարվածի հետքերով 26-ամյա Գևորգ Դ-ի դին։