Ո՞ր Մթերքները Չպետք Է Նորից Տաքացվեն

345

Որոշ մթերքներ ավելի լավ է նորից չտաքացնել, քանի որ կրկնակի ջերմամշակումից հետո դրանք կորցնում են սննդային արժեքավորությունը, իսկ դրանցից ոմանք անգամ վտանգավոր են դառնում: Այդպիսի մթերքներին են դասվում.

Սունկը

Սնկից ճաշատեսակները չպետք է կրկին տաքացնել, քանի որ դրանց սպիտակուցը եւ այլ սննդարար նյութերը կարող են կրկնակի ջերմամշակման հետեւանքով օրգանիզմի համար թունավոր դառնալ: Սնկից ճաշատեսակները ճիշտ է պահել սառնարանում եւ սառը ուտել: Խորհուրդ չի տրվում այն մեկ օրից ավելի պահել:

Ձուն

Ձվից ճաշատեսակներն առավել օգտակար է թարմ պատրաստված ուտել: Այս մթերքը մեծ քանակությամբ ազոտ է պարունակում, որը կարող է կրկնակի տաքացնելու դեպքում թթվել: Օմլետի մնացորդը կամ եփած ձուն, որ դրվել է սառնարանի մեջ, խորհուրդ է տրվում սառը ուտել:

Թռչնամիսը

Այն մեծ քանակությամբ սպիտակուցներ է պարունակում: Որոշ մասնագետների կարծիքով՝ բարձրսպիտակուցային կերակուրը վտանգավոր է կրկնակի տաքացնել. դա կարող է փոխել սպիտակուցների բաղադրությունը եւ դարձնել պոտենցիալ թունավոր: Եթե սառնարանի մեջ է դրվել թռչնամսից ճաշատեսակի մնացորդը, այն պետք է հանել ուտելուց որոշ ժամանակ առաջ, որ հասնի սենյակային ջերմաստիճանի, բայց չտաքացնել:

Բազուկը

Տաքացնելիս բազուկը թունավոր է դարձնում բնական նիտրատների բարձր մակարդակը: Պատրաստված կերակուրը խորհուրդ է տրվում ուտել միայն սառը:

Սպանախը

Ինչպես բազուկը, սպանախը նիտրատներ է պարունակում, որոնք տաքացնելու դեպքում վերածվում են նիտրիտների, որոնք կարող են օրգանիզմի վրա ազդել ինչպես քաղցկեղածիններ: Սպանախն ավելի լավ է պատրաստել գոլորշու վրա եւ արագ սառեցնել: