«15 րոպեի փոխարեն, այժմ ավելի քան 3 ժամ»․ Կապան-Ճակատենի փակ լինելու պատճառով 6 գյուղեր զրկվել են հիմնական ճանապարհից

110

Կապան-Ճակատեն ճանապարհի փակ լինելու պատճառով Կապան խոշորացված համայնքի 6 գյուղեր, այդ թվում՝ Ճակատենը, Շիկահողը, Սրաշենը, Ներքին Հանդը, Ծավը և Շիշկերտը զրկվել են իրենց հիմնական ճանապարհից:

Այս գյուղեր հասնելու համար հիմա նախ Մեղրի պետք է գալ: Եթե նախկինում մարզկենտրոն Կապանից առավելագույնը15 րոպե էր պահանջվում Ճակատեն գնալու համար, այժմ ավելի քան 3 ժամ է պետք՝ շուրջ 150 կմ ճանապարհն անցնելու համար:

Ի դեպ, Ճակատեն ու մյուս գյուղեր հասնելու այլընտրանք հանդիսացող ճանապարհը բազմաթիվ շրջադարձերով է. բարդ է երթևեկելը: Գյուղացիներն ասում են՝ իրավիճակը էլ ավելի կբարդանա, եթե ձյուն գա:

Երեկ «Ազատությունը» Ճակատեն հասավ, այսպես ասած, այլընտրանքային ճանապարհով։ Այս ու մյուս գյուղերում փակ ճանապարհի պատճառով բազմաթիվ խնդիրներն են առաջացել: