ՏԵՍԱՆՅՈՒԹ. ՀՅԴ բողոքի ակցիան կառավարության դիմաց. ոստիկանները բերման են ենթարկում ակցիայի մասնակիցներին

187

ՀՅԴ «Նիկոլ Աղբալյան» ուսանողական միությունը ակցիա է իրականացնում կառավարության շենքի առջև:

Ուսանողական միությունն իր պաշտոնական էջում ավելի վաղ հայտարարել էր. «Սիրելի՛ հայրենակիցներ, վաղը՝ 15։00-ին հավաքվում ենք կառավարության գլխավոր մասնաշենքի առջև` հերթական անգամ ի ցույց դնելու ՀՀ վարչապետի խոսքի, գործի և իրականության անհամապատասխանությունը»։

Հիշեցնենք՝ նախատեսված ակցիայի հարցով ՆԱՈՒՄ-ի վարչության հետ կապ են հաստատել ՀՀ ոստիկանությունից` պահանջելով ակցիայի ընթացքում բարձրախոս չօգտագործել։

«Մենք դատապարտում ենք «Հավաքների ազատության մասին» ՀՀ օրենքի կոպտագույն խախտումով քաղաքացիների իրավունքների և ազատությունների ոտնահարումը գործող իշխանությունների կողմից, միևնույն ժամանակ արձանագրում ենք, որ չենք կատարելու ՀՀ Ոստիկանության կողմից ներկայացվող ապօրինի պահանջը։ Ժամը 15։00֊ին կհանդիպենք Կառավարության գլխավոր մասնաշենքի առջև»,- նշված է ՀՅԴ ՆԱՈՒՄ-ի՝ այդ կապակցությամբ տարածած հայտարարության մեջ։