ՀՐԱՏԱՊ. Ադրբեջանն ու Թուրքիան Քաշաթաղի շրջանում զորավարժություններ են սկսել

114

Ադրբեջանն ու Թուրքիան, երկու երկրների միջև կնքված ռազմական համագործակցության մասին համաձայնագրի շրջանակներում, Քաղաթաղի շրջանում սկսել են համատեղ մարտավարական զորավարժություններ։ Այս մասին հայտնում է Ադրբեջանի պաշտպանության նախարարության մամուլի ծառայությունը։

Ըստ տարածված հաղորդագրության՝ զորավարժությանը մասնակցում են երկու երկրի զինված ուժերի ներկայացուցիչները։ Նպատակը փոխգործակցության և ռազմական գործողությունների ժամանակ մարտական ներդաշնակության բարձրացումն է, այդ թվում՝ հրամանատարների կողմից ռազմական որոշումների և ստորաբաժանումների կառավարման հմտությունների զարգացումը։

«Հատուկ ուշադրություն է դարձվել տեղանքի բարդ ռելիեֆի պայմաններում ժամանակակից մարտական տեխնիկայի և այլ ռազմական միջոցների օգտագործման հմտությունների բարելավմանը»,- հայտարարել է Ադրբեջանի պաշտպանական գերատեսչությունը։